Шекә    

Проектның беренче продукты - Шекә авылының  электрон хәтер китабы. 

Электрон хәтер китабын төзү тарихы

 

   Сүз  "Арча районы Шекә авылының электрон хәтер китабы"  исемле социаль проект турында бара. Бу эш берничә ел дәвамында алып барылды.  Беренче продукты 6 ветеран турында сөйләүче кечкенә генә брошюрка булса да, еллар дәвамында материал баеды.

   Җиңүнең 67- еллыгына 16 ветеран турында «Данлы авылдашларым» брошюрасы төзелсә,  2012 елда чыгарылган  «Хәтерлим! Горурланам!» альбомы бүгенге көндә мәктәп музеенда кадерләп саклана.

   Ләкин сугышта катнашучы һәр шәхеснең исемен мәңгеләштерү теләге безне яңа эзләнүләргә этәрде. Шулай итеп, Хәтер китабы төзү идеясе барлыкка килде. 

   Хәтер китабы үз эченә сугышта һәлак булганнар исемлеген һәм исән кайтучылар исемлеген алыр дип уйладык. Шуңа ул ике өлештән тора.

Соңрак бу китапка тыл ветераннарының, сугыш чоры балаларының истәлекләре дә өстәлде.

   Хәтер китабы төзү эше бик җаваплы. Информация дөрес булсын өчен без районның Хәтер китапларын, интернет-ресурсларны, Арча районы хәрби комиссариатының архив материалларын ныклап өйрәндек. Аеруча ОБД МемориалМемориал Великой Отечественной войны, Подвиг народа сайтлары ярдәм итте. Биредә без архив  документларын, сугышчыларның үлгән хәбәрен җибәрүче "кара кәгазьләрне" таптык. Исемлек баеды. Хәзер безнең кулда  159 сугышта катнашучы исемлеге. аларның 65е сугыштан кайтмаган. Эзләнүләр дәвам итә.

   

                Минем 10 класс укучыларым бердәнбер бүгенге көндә исән булган ветеран  Каримов Хәбир абый янына еш баралар.

 

Ул безгә хәтер китабындагы исемлекне барлауда да бик теләп ярдәм итте. 

   Авыр һәм катлаулы булса да, бу эш бик кирәкле һәм әһәмиятле. Үткәнен белмәгән халыкның киләчәге юк, диләр. Проект укучыларыма чын Россия  гражданнары булып үсәргә ярдәм итәр дип ышанам. 

 

Я помню, я горжусь!

30.03.2015 19:51

Үлемне җиңгән ветеран

                                                                                ...
18.03.2015 16:38

Альбом "Хәтерлим, горурланам!"

Хәтер проектының икенче продукты "Хәтерлим, горурланам" альбомы мәктәп музеенда саклана

© 2015 Все права защищены.

Создать бесплатный сайтWebnode